Chelsea rikthehet të shijojë një fitore në Premier League pas tri javësh, teksa feston edhe Newcastle. Ekipi i Graham Potter iu fal golit me kokë të Kai Havertz (64’) për të thyer 1-0 Crystal Palace në “Stamford Bridge”.
Sfida nisi me një minutë heshtje në nder të Gianluca Viallit, i cili ndërroi jetë disa ditë më parë në moshën 57-vjeçare, ndërkohë që tifozët shpalosën një banderolë gjigante në kujtim të ish-sulmuesit dhe trajnerit.
“Kur golat e tij ndriçojnë qiellin, mua më rreshket një pikë loti”, lexohej në dedikimin emocionues të tifozëve londinezë për ish-goleadorin italian.
Ndërkohë, përpara tifozëve të rinj u prezantua edhe Mykhaylo Mudryk, i cili zbriti në fushën e blertë me flamurin ukrainas. Newcastle hasi vështirësi përballë Fulham, por në fund arriti tri pikë të arta falë golit të Alexander Isak (89’).
Skuadra e Eddi Howe rigjeti fitoren pas dy barazimeve radhazi. Në “St James Park” u arrit një triumf tepër i rëndësishëm për objektivin Champions League. Newcastle ndan vendin e tretë në renditje me Manchester United.
Top Channel
