Presidenti i UEFA-s, Aleksandër Ceferin, nuk sheh një favorit të qartë mes Madridit dhe Mançester Sitit për të arritur në finalen e Ligës së Kampioneve, pavarësisht barazimit në ndeshjen e parë në “Bernabeu”, që mund të favorizojë anglezët.
Në takimin e luajtur në “Santiago Bernabeu” në mesjavën që lamë pas, Reali dhe Siti u ndanë në barazim 1-1, në një ndeshje spektakolare. Ky rezultat është komentuar në mënyra të ndryshme, teksa të shumtë janë ata që favorizojnë Sitin. Por ka dhe nga ata që nuk janë aq të sigurt për avantazhin e lehtë të anglezëve. Mes këtyre të fundit është dhe presidenti i UEFA-s, Aleksandër Ceferin.
“Për mendimin tim, gjithçka është e hapur dhe ndeshja mes Sitit dhe Realin në Mançester është ‘fifty fifty’ (50 me 50). Interi mund të ketë marrë një avantazh vendimtar në ndeshjen tjetër, por, natyrisht, gjithçka është e mundur edhe në derbin e Milanos”, tha ai.
Dy fituesit e gjysmëfinaleve do të takohen në finalen e madhe më 10 qershor në Stamboll.
PANORAMASPORT.AL
