Analisti Artur Zheji shprehet se pret me kuriozitet vendimin e Edi Ramës pas shpalljes non grata të ish-deputetit Aqif Rakipi, pasi sipas tij, dihet që dy deputetë të PS, janë të afërm të ish-deputetit.
Gjithashtu Zheji zbulon se figura e Rakipit ka një influencë të madhe në qarkun e Elbasanit dhe mund të sigurojë deri në dy mandate.
Deklarata e Zhejit:
“Berisha ka shpreh bindjen që nuk ka prova që vërtetojnë akuzat për korrupsion madhor që vinin nga DASH. Rama i ka bërë kërkesë të përsëritur SPAK-ut që kjo non grata të mos mbetet koncept në ajër, o të zbardhet e të thotë që s’është e saktë ose të evidentojë provat dhe të shpalli në hetim ish-kryeministrin. Nuk dihet çdo të thuhet të martën kur do të analizojë non gratat që vijnë nga SHBA, pikërisht për Rakipin që me forcën e tij i ka dhënë dy deputetë PS.
Pa zotin Rakipi PS do të ishte në një flop në qarkun e Elbasanit. Nuk dihet se si do të veprojë Rama. Rakipi ka qenë i kërkuar nga politika, duke e ditur që ka influencë në atë zonë. Kanë shkuar palët për mbështetjen e tillë. Edhe Basha ka shkuar. Të gjithë e dinin që me suprotin e Rakipit do të kishin 1 apo 2 deputetë të sigurt në Qarkun e Elbasanit”, tha Zheji.
