Një burrë dhe një fëmijë që ecin mes sheshit të kuq thuajse të braktisur të Moskës me çadër në dorë; duket shumë ftohtë, dita ideale për një drekë të ngrohtë më familjen.
Destinacioni i tyre? Një restorant i Pizza Hut në qendrën e sheshit ku reflektohet një pjesë e mirë e historisë sovjetike dhe ruse. Me këto imazhe çelet një reklamë e 24 viteve më parë, e cila po rikthehet me një mesazh të fuqishëm. Personi me pallton e zezë që shet picën amerikane është vetë Mikhail Gorbaçov, lideri i fundit i Bashkimit Sovjetik. Në restorant, një mesa-burrë i interpretuar nga Richard Marner, e njeh dhe thotë: Është Gorbaçovi! E paskësaj, nisi një diskutim që pasqyron të gjithë ndasitë e shoqërisë ruse në lidhje me liderin e shumëdiskutuar, të adhuruar në perëndim, por jo dhe aq shumë brenda kufijve të vendit të tij.
Biseda vazhdon e tillë, duke sjellë të plotë shembujt e perceptimit të figurës së Gorbaçovit në Rusi, si reflektim i realitetit të kohës. Nëse do të përpiqeni të kontekstualizoni Moskën e viteve 1990, kjo reklamë është një leksion një minutësh, thotë eksperti Yuval Weber. Një grua e moshuar e mbyll në fund debatin mes dy anëtarëve të familjes së saj, që përfaqësojnë dy gjenerata të ndryshme, me fjalët: Falë tij, kemi Pizza Hut. Këtu, askush nuk ka kundërshtim.
Ideja e krijuesit të reklamës ishte të përdorej Gorbaçovi si burim konflikti dhe pica e ofruar prej tij, si pajtues. Reklama u transmetua nëpër botë, por kurrë në Rusi. Gorbaçovi do të mbahet mend në shumë mënyra, i nderuar në Perëndim për rolin e tij në fundin e Luftës së Ftohtë, por i papëlqyer gjerësisht në Rusi për trazirat ekonomike dhe sociale të shkaktuara nga rënia e Bashkimit Sovjetik. Pothuajse 25 vjet më vonë, ky film i shkurtër pasqyron të dyja anët e asaj trashëgimie.
Çfarë ndodhi ndërkohë me Pizza Hut në Rusi? Gati një çerek shekulli pasi u filmua reklama, kompania u tërhoq nga vendi, si përgjigje ndaj pushtimit të Ukrainës.
Top Channel
//Google Analytics window.dataLayer = window.dataLayer || [];
function gtag() { dataLayer.push(arguments); } gtag('js', new Date());
gtag('config', 'UA-7855069-1');
//Facebook window.fbAsyncInit = function() { FB.init({ appId: '1715618661991455', xfbml: true, version: 'v2.10' }); FB.AppEvents.logPageView(); };
(function(d, s, id) { var js, fjs = d.getElementsByTagName(s)[0]; if (d.getElementById(id)) { return; } js = d.createElement(s); js.id = id; js.src = "https://connect.facebook.net/en_US/sdk.js"; fjs.parentNode.insertBefore(js, fjs); }(document, 'script', 'facebook-jssdk'));