Mauricio Poçetino shpreson që lojtarët e tij ta fillojnë ndeshjen e së dielës me Shefilld Junajtid në të njëjtën mënyrë si ndaj Mançester Junajtidit, pasi të përballosh urinë e një skuadre që lufton për mbijetesën në Premier Ligë nuk është kurrë një detyrë e lehtë.
Trajneri i Celsit shpreson që skuadra e tij ta përsërisë të njëjtën forcë karakteri kur të udhëtojë në “Bramall Lane” të dielën, ashtu siç bëri në përmbysjen spektakolare në shtesë kundër Mançester Junajtid të dielën në “Stamford Bridge”. “Në pak ditë luajtëm një ndeshje ku treguam kaq pak energji. Në një tjetër, ne e filluam lojën në atë mënyrë që na duhet të nisim çdo ndeshje”, tha ai. “Unë mendoj se për lojtarët është një pikë e mirë për të kuptuar se duhet të jemi gati. Të dielën duhet të jemi gati. Ne duhet të mendojmë për rikuperimin dhe për t’iu qasur ndeshjes në Shefilld me mentalitetin e duhur, sepse do të jetë e vështirë.
Ne e dimë tashmë se kur luajmë kundër skuadrave si Shefilld Junajtid, Bërnlej apo Notingem Forest, skuadrat që po luftojnë për rënien nga kategoria, ne duhet të përsërisim energjinë, dëshirën dhe urinë e tyre”, tha argjentinasi.
PANORAMASPORT.AL
