Skuadra e “Bad News Eagles” ka siguruar tri fitore radhazi, për t’u kualifikuar më tej në “Legends Stage”, në turneun më të madh në botë në lojën Counter-Strike.
Në ndeshjen e fundit, BNE u përballën kundër GamerLegion, duke fituar me lehtësi dhe kësisoj duke siguruar kualifikimin tutje.
Përmesë një postimi në rrjete sociale ka reaguar edhe Ministri i Kulturës, Rinisë dhe Sportit Hajrulla Çeku, duke përgëzuar djemtë për këtë sukses të madh.
“Djemtë e Kosovës duke shkëlqyer në Brazilin që ende nuk na njeh. Pas tri fitoreve, Bad News Eagles në fazën “Legends”. Përgëzime Flatron, Sener, Rigon, Dionis e Genc. Faleminderit që e mbani flamurin e Kosovës në piedestal. #IEM Rio Major 2022″, thuhet në postimin e tij.
Siç kishin njoftuar edhe BNE, Çeku kishte luajtur një rol kyç në sigurimin e vizave për ta.
