Mbrojtësi i krahut i Barcelonës, Joao Cancelo, ka lavdëruar talentin 16-vjeçar të katalanasve, Lamine Yamal, dhe gjithashtu ka emëruar lojtarë të tjerë të rinj në ekip që ia vlen t’i kushtohet vëmendje.
“Lamin është një lojtar i mrekullueshëm. Të luash për Barcelonën në moshën 16-vjeçare nuk është për të gjithë. Ai është një talent i veçantë, por vetëm talenti në futboll nuk mjafton. Duhet një mentalitet dhe nga sa shoh unë, Lamin e ka atë. Ai ka një të ardhme të shkëlqyer nëse ai nuk shpërqendrohet. Mbani një sy te Pau Cubarsi dhe Fermin Lopez. La Masia po bën një punë të shkëlqyer”, tha Cancelo.
Yamal është produkt i akademisë së katalanasve dhe iu bashkua skuadrës së parë të Barcelonës në verën e vitit 2023.
16-vjeçari ka bërë 37 paraqitje për Barçën në të gjitha garat këtë sezon, duke shënuar gjashtë gola dhe duke dhënë shtatë asistime.
/GazetaBlic Sport
