BRUKSEL, 28 nëntor /ATSH-DPA/ – Zyrat qeveritare në Bashkimin Evropian mund t’i ndalojnë punonjëset të mbajnë shami (vello) nën kushte të caktuara, ka vendosur Gjykata Evropiane e Drejtësisë (ECJ).
Gjykata e Luksemburgut tha se një politikë e tillë nuk është diskriminuese për sa kohë që ndalimet e simboleve fetare zbatohen në një mënyrë të përgjithshme dhe pa dallim për të gjithë stafin.
Ndalimi i shamisë ka qenë një çështje e diskutueshme në BE prej vitesh.
Gjykata Evropiane e Drejtësisë ka vendosur tashmë disa herë që kompanitë mund të ndalojnë mbajtjen e simboleve fetare në vendin e punës.
Vendimi i fundit nga gjykata më e lartë e Evropës vjen pas një rasti në Belgjikë në të cilin një menaxher zyre në qytetin Ans nuk u lejua të mbante një shami islamike në punë. /os/