Një bashkëshort ka dalë sot në gjyq në Britani për vrasjen e gruas së tij 29 vjeçare e cila u gjet e vdekur në një zonë në bimësipesë ditë pasi ishte zhdukur dhe gjashtë muaj pas lindjes së bijës së tyre të parë.
29 vjeçarja Abi Fisher, u zhduk nga shtëpia e saj në qytezën e Castleford në veri të Britanisë mesnatën e të premtes.
Familja e saj tha se nuk kishte treguar se ku do të shkonte kur u largua, por tragjikisht trupi i saj u gjet të hënën në një zonë me bimësi në Brierley.
Bashkëshorti i saj Matthew Fisher, gjithashtu 29 vjeç doli sot para gjykatës së Leeds i akuzuar për vrasje.
Ai foli vetëm për të konfirmuar emrin dhe adresën dhe u dërgua në paraburgim.
Mësuesja e shkollës fillore Abi ishte martuar me Fisher në vitin 2017 dhe dyshja kishin lindur një vajzë vetem gjashtë muaj më parë me ndihmën e trajtimit të fertilizimit artificial.
Familja e Abi i bënin homazh vajzës me foto të saj dhe të së bijës.
Ata shkruanin: “E bukura Abi, nuk e përshkruajmë dot dhimbjen për humbjen tënde. Qielli ka fituar një engjëll por ne kemi pësuar një humbje të padrejtë. Të duam shumë”.
Një operacion i gjerë kërkimi nisi për Abi pas zhdukjes së saj “që nuk përputhej me karakterin e saj” më 8 korrik.
Banorët e tmerruar vendas dolën na masë për të kërkuar mësuesen dhe shpërndanë lutje për informacion.
Gjyqi vazhdon.
Top Channel
