Bota e futbollit mban zi për humbjen e një talenti, rrugëtimi i të cilit u karakterizua nga qëndrueshmëria dhe vendosmëria.
Futbollisti ndërkombëtar Raphael Dwamena, ndërroi jetë sot pasi u rrëzua në fushë, gjatë ndeshjes me Partizanin. Sulmuesi ganez rrugës për në spital nuk mundi t’i mbijetojë dot sulmit në zemër.
Futbollistë, tifozë, miq, autoritete dhe media të huaja, kanë bërë homazhe për humbjen e 28-vjeçarit.
Media e njohur CNN në një artikull ka njoftuar lexuesit për vdekjen e kapitenit të Egnatias.
Edhe The Sun ka shkruar për humbjen nga jeta të sulmuesit, ndërsa shtoi se lajmi u bë i ditur nga klubi i tij, FK Egnatia.
“Mendimet tona janë me familjen e Raphael Dwamena në këtë kohë të vështirë. Raphael përfaqësoi Ganën me gjithë zemër dhe pagoi detyrimet e tij ndaj vendit deri në vdekjen e tij fatkeqe. Do të na mungojë përgjithmonë për përkushtimin e tij në Kombëtare. U prefsh në paqe Raphael”, ka shkruar Shoqata e Futbollit e Ganës, nga aty ku shumë media të tjera u njoftuan për lajmin.
Levante, një nga ish-skuadrat e Dwamena, i bëri gjithashtu homazhe sulmuesit.
“Në emër të Levante, dëshirojmë të shprehim ngushëllimet tona të sinqerta për ndarjen nga jeta të ish-lojtarit tonë, Raphael Dwamena. Mendimet tona janë me familjen dhe të dashurit e tij në këtë kohë të vështirë. Trashëgimia e tij tek ne klubi do të durojë gjithmonë. RIP”, thuhet në deklaratë.
“Raphael Dwamena ka ndërruar jetë tragjikisht pasi pësoi një atak në zemër në fushë gjatë ndeshjes së Superligës shqiptare ndërmjet Egnatia dhe Partizanit. Pusho në paqe Raphael Dëamena”, ka shkruar GTV Sports.
Ish-kapiteni i Ganës, Asamoah Gyan, ka nderuar Dëamenan. “Pusho në paqe vëlla, hmmmm jeta”, ka shkruar Gyan.
“Pusho Raphael ..ai vetëm donte të luante futboll. Rapha ishte një person shumë lutës personalitet i madh brenda jashtë. Vërtet ne i përkasim Allahut dhe vërtet atij do të kthehemi. Ngushëllimet e mia për të gjithë familjen U prehtë shpirti në paqe perfekt”, tha ish-futbollisti 58-vjeçar Anthony Baffoe.
Gazetari i famshëm afrikan, Gary Al-Smith në një postim në X, dikur Twitter, ka shkruar për lajmin e keq ndërsa kohë më parë ai ka thënë që futbollisti duhet të lërë futbollin për hir të shëndetit të tij.
“Ndërron jetë Raphael Dwamena pas arrestit kardiak në një ndeshje në Shqipëri. Problemet me zemrën e lojtarit janë të dokumentuara mirë. Në vitet e fundit, profesionistët mjekësorë (përfshirë Dr Pambo të ekipit të Gana Nat’l) kanë sugjeruar që ai të tërhiqet. Le të prehet në paqe”, ka shkruar ai.
Edhe gazetari Owuraku Ampofo i njohur ka shkruar: “Federata e Futbollit të Shqipërisë ka konfirmuar vdekjen e sulmuesit ganez Raphael Dwamena. 28-vjeçari ka humbur ndjenjat gjatë një loje pasditen e sotme për Egnatia dhe është dërguar menjëherë në spital. Fatkeqësisht, ai nuk iu përgjigj përpjekjeve për ta ringjallur. RIP Raphael.”
Këngëtarja e famshme ganeze Sista Afia ka shkruar: “Lajme tragjike nga Shqipëria raportojnë largimin nga jeta e sulmuesit ganez, Raphael Dwamena, i cili pësoi një atak në zemër në minutën e 23-të të një ndeshjeje në kampionat.”
Krahas ngushëllimeve mediat kanë shkruar për jetën e vështirë të Dwamena-s dhe pasionin e tij për futbollin, ku karriera e tij pësoi pengesa të mëdha. Ai u diagnostikua për herë të parë me një problem në zemër në vitin 2017, ndërsa tregoi në një rrëfim për TCH se pasioni i tij ishte edhe më i madh, dhe ky fakt nuk mund të pengonte dëshirën e tij.
Dwamena ka luajtur me një kardioverter-defribilator të implantueshëmm për të monitoruar rrahjet e tij të zemrës në vitin 2020 gjatë kohës së tij me skuadrën spanjolle Levante. Pavarësisht nga kjo ndërhyrje mjekësore, Dwamena pësoi një rikthim në tetor 2021 kur u rrëzua në fushë në një ndeshje mes Blau-Weiss dhe Harterg në Ligën Austriake.
Megjithatë, ai mbijetoi pasi u stabilizua shpejt dhe u shërua në spital. Më vonë ai u lirua nga klubi. Dwamena ishte pjesë e një skuadre prej 30 lojtarësh Black Stars të thirrur për konkursin AFCON 2017. Ai shënoi në debutimin e tij ndërkombëtar në një ndeshje kualifikuese AFCON 2017 kundër Etiopisë nën drejtimin e Kwasi Appiah.
Top Channel
