BERLIN, 23 dhjetor /ATSH-DPA/ – Një manisfestim pro palestinez në Berlin që bën thirrje për t’i dhënë fund luftës në Rripin e Gazës grumbulloi sot disa qindra njerëz.
Demonstruesit marshuan nga Kreuzbergu, i kryeqytetit gjerman, drejt Portës së Brandenburgut në qendër të qytetit nën sloganin “Solidaritet me Palestinën”.
Organizatorët regjistruan një protestë prej 5 000 personash, por policia tha se numri ishte disa qindra.
”Manifestimi vijoi në mënyrë paqësore”, tha një zëdhënës.
Marshuesit mbanin shalle palestineze dhe mbanin pankarta që dënonin bombardimin e Rripit të Gazës si një krim lufte.
Ata bënë thirrje për liri për Palestinën, duke valëvitur flamujt palestinezë.
Një degë e Berlinit e opozitës së majtë ”Die Linke” kishte thirrur protestën.
Ajo i kërkoi qeverisë gjermane të punojë drejt një armëpushimi të menjëhershëm dhe të qëndrueshëm dhe për heqjen e bllokadës në Rripin e Gazës./ a.jor.
