BERLIN, 22 korrik /ATSH-AA/- Ministrja e Jashtme gjermane, Annalena Baerbock e përshkroi justifikimin e mundshëm të Rusisë për të fituar më shumë territor në Ukrainë si propagandë.
Në një intervistë për “Deutsche Welle”, Baerbock komentoi deklaratën e ministrit të Jashtëm rus, Sergei Lavrov i cili tha se do të zgjeroheshin objektivat gjeografike të vendit të tij.
“Ata thonë se këtë herë është për shkak të mbështetjes ushtarake që Perëndimi po i ofron Ukrainës. Megjithatë, ata kanë sulmuar Kievin dhe pjesë të tjera të Ukrainës në të kaluarën. Pra, kjo është thjesht një propagandë e re nga pala ruse”, tha Baerbock.//a.i/