Kosova aktualisht e posedon vetëm një stadium të kategorisë së katër që i plotëson kriteret për ndeshje ndërkombëtare.
Ai është “Fadil Vokrri” në Prishtinë e që ditët e fundit është bërë lajm për të keq në media vendore e ndërkombëtare për shkak të fushës me lloç në ndeshjet Kosovë – Izrael dhe Kosovës – Bjellorusi.
Saga e ndërtimit të Stadiumit Nacional në të Kosovës duket se do të vazhdojë edhe për një kohë të gjatë.
Tash e disa vite flitet për ndërtimin e këtij stadiumi.
Herë është planifikuar që të ndërtohet në Korreticë të Drenasit e herë në Bërnicë të Prishtinës.
Gjithsesi, të gjitha këto plane kanë mbetur deri më tash “ëndrra”.
Deputeti Bekë Berisha ka folur për çështjet në fjalw nw njw prononcim pwr lajmi.net.
“Ka shumë njerëz që e duan sportin në Kosovë. Isha për ta parë ndeshjen me Izraelin. Marre, ishte sikurse në Afganistan. Duhet të bëhet stadiumi të tregojmë se kemi talentë, jemi të civilizuar. Në fakt kur e shikova stadiumin me lloç e ndjeva se do të fitojmë. Duhet të mësohet të luajmë edhe në të terun”, ka thënë Bekë Berisha. /Lajmi.net/
