Fitorja në transfertën e Unionistats Salamanka me shifrat 3-1 ka ringjallur frymën optimiste te kampionët e La Ligës. Humbja në Superkupën e Spanjës pllakosi pesimizmin te katalanasit, aq sa u përfol edhe largimi i trajnerit Ksavi Hernandez.
Megjithatë, suksesi në fjalë ka nxjerrë në dritë të dhënë shumë interesante, e cila ka të bëjë me shënuesit në gjirin e Barçës. Pas gjysmës së sezonit, janë plotë16 lojtarë që e kanë nuhatur saktësisht portën mike në të gjitha garat.
GOLEADORËT-
Robert Levandovski mban lart “shiritin” e golave në grupin e Barçës me 12 finalizime. Edhe pse pritshmëritë janë në piedestal krahas, etapave pararendëse, polaku duket se e ka kapërcyer momentin e vështirë gjatë javëve të para. Ferran Torres ka shkuar në kuotën e 8 finalizimeve, për t’i lënë radhën në shkallën më të ulët të këtij “podiumi”, Zhoao Feliksit. Portugezi mbërriti pa shumë pretendime në “Spotify Camp Nou”, por e nisi me këmbë të mbarë aventurën.
Fillimi pozitiv rriti shpresën, por “zjarri” i luzitanit ka kaluar mes një kalvari ulje-ngritjesh. Ilaki Gyndoan e ka dërguar topin ne rrjetën mike më fanellë e Barçës në 3 raste pas zhvendosjes në aksin Mançester-Barcelonë. Po të njëjtën kuotë mbajnë edhe lojtarë të tjerë në skuadrën e Ksavi Hernandez, si Fermin Lopez dhe Serxhi Roberto.
Listën e mbyllin Jamal, Kunde Gavi, Pedri, Mark Guiu, Arauho, de Jong e deri tek i freskëti Alejandro Balde, i cili e bëri sefte në takimin e fundit. Të vetmit që janë ende në kërkim të golit, përveç portierëve janë Kristensen, Oriol Romeu, Markos Alonso, Inigo Martinez dhe transferimi i ri, Viktor Roke.
PANORAMASPORT.AL
