Mesfushori i Lorient, Tiemoue Bakayoko ka dhënë së fundmi një intervistë për mediet franceze, ku foli jo vetëm për titullin e fituar me Milan-in e Pioli-t, por edhe për një nga legjendat e klubit “kuqezi” Gennaro Gattuso-n.
Bakayoko foli për anën më njerëzore të ish-trajnerit të tij, ndërsa shtoi se është shumë i dashur.
“Kam kujtime të bukura nga Gattuso, i cili më ka trajnuar fillimisht te Milani dhe më pas te Napoli, pavarësisht se një herë për pak sa nuk u përplasëm. Gjithmonë na ka kërkuar të japim më të mirën, fjalimet e tij na kanë bërë gjithmonë mirë. Ai është një djalë shumë i dashur, ai ishte gjithmonë pranë jush, edhe për çështjet jo-futbollistike”-deklaroi ai.
