Gazeta spanjolle ‘Sport’ ka zbuluar përgjigjen që babai i Mbappes, Wilfred Mbappe i ka dhënë klubit blaugran, kur tentoi të nënshkruante me sulmuesin francez në verën e vitit 2017.
Lidhur me ofertën që i kishte bërë klubi i Barcelonës për djalin e tij, babai i Kylian ishte përgjigjur: “Unë jam me Barçën, por djali im Kylian është tifoz i Real Madridit. Nëse ai shkon në Barça tani, ai kurrë nuk do të mund të përfundojë duke luajtur për Real Madridin. Nëse ai shkon në një klub tjetër, ai gjithmonë mund të përfundojë në Madrid ”.
Megjithatë, sipas gazetarit spanjoll Eduardo Inda, Mbappe është i interesuar për kalimin në Bernabeu.
Mbappe aktualisht ka kontratë me kampionët e Francës deri në verën e vitit 2022.
E ardhmja e Mbappe me parisienët u vu në dyshim të mëtejshëm në fillim të këtij muaji, kur ai reagoi me zemërim për t’u zëvendësuar në fitoren 5-0 të PSG ndaj Montpellier.
/Insporti.com
