Autoritetet po përpiqen të identifikojnë 22 gra të vrara në Belgjikë, Gjermani dhe Holandë gjatë dekadave të fundit.
Shumica e vrasjeve konsiderohen raste të ftohta që përfshijnë gra që kanë vdekur 10, 20, 30 apo edhe 40 vjet më parë, sipas Interpolit , i cili nisi një fushatë publike të mërkurën për të emëruar gratë.
“Megjithë hetimet e shumta të policisë, këto gra nuk u identifikuan kurrë dhe provat sugjerojnë se ato mund të kishin ardhur nga vende të tjera. Kush janë, nga janë dhe pse ishin në këto vende nuk dihet”, tha Interpol.
“Dikush, diku, di diçka që mund të ndihmojë në identifikimin e këtyre grave. Vetëm një pjesë e informacionit mund të jetë lidhja që mungon”, tha Sekretari i Përgjithshëm i Interpolit, Jürgen Stock në llogarinë e tij zyrtare në Twitter, ndërsa fushata filloi.
Për herë të parë, si pjesë e fushatës së quajtur “Operacioni Identify Me”, Interpoli ka publikuar të ashtuquajturat Njoftime të Zeza për çdo viktimë, të cilat përfshijnë imazhe të rindërtimit të fytyrës, informacione për sendet personale, rroba, bizhuteri, tatuazhe dhe foto të zonave. ku u gjetën trupat.
“Nëse ju kujtohet një mik, anëtar i familjes ose kolegu që u zhduk papritur, ju lutemi hidhini një sy dhe kontaktoni ekipin përkatës të policisë kombëtare nëpërmjet formularit në secilën faqe nëse keni ndonjë informacion për ndonjë prej tyre”, tha Interpol.
Projekti nisi kur detektivja Van Leeuwen dhe një koleg kërkuan bashkëpunim me oficerët në Gjermani e Belgjikë teksa përpiqeshin të identifikonin trupin e një gruaje të gjetur në një kazan mbeturinash pranë lumit Gaasp në Amsterdam në 1999.
Duke bashkëpunuar me policitë e shteteve fqinje ata kuptuan numrin e madh të femrave dhe personave të zhdukur dhe të paidentifikuar ne Evropë si rezultat i trafikut njerëzor dhe krimit, prandaj vendosën të hartojnë një listë informacioni me qëllim marrjen e ndihmës nga publiku evropian.
Van Leeuwen tha se shpreson të identifikojë viktimat dhe të arrestojë vrasësit e tyre, edhe pse njoftimi i familjeve të viktimave është diçka parësore.
Oficerja premtoi të mos heqë dorë nga hetimi rasteve të trishta të grave e vajzave të masakruara: “Ti je një person, ke një emër dhe ke një histori.”
Top Channel
