ATHINE, 9 tetor /ATSH-DPA/ – Njerëzit në Greqinë qendrore u tronditën nga një tërmet me magnitudë 5 që ndodhi në Gjirin e Korintit herët në mëngjes.
Tërmeti, rreth orës 1 të mëngjesit ndodhi në një thellësi prej rreth 10 kilometra nën thellësinë e detit, sipas Institutit të Gjeodinamikës së Athinës.
“Deri më tani nuk kemi asnjë informacion për viktima apo dëme”, raportoi radio shtetërore ERT.
Shumë njerëz u trembën nga gjumi dhe u larguan nga rrugët në rajonin Delphi dhe në anën veriore të gadishullit të Peloponezit, raportoi transmetuesi.
Tërmeti është ndjerë edhe në qytetin port të Patrës, në Greqinë perëndimore dhe në fshatrat pranë rrënojave të Delfit.
Tërmete të moderuara dhe të fuqishme ndodhin shpesh në zonë, ku disa pllaka tektonike shtrihen nën shtratin e detit të Gjirit Korintik. /os/
