Derbi i kryeqytetit, mes Tiranës dhe Partizanit, do të luhet të shtunën prej orës 19:45 në stadiumin “Air Albania”. Klubi bardheblu, që është organizator i kësaj ndeshjeje, ka nxjerrë që sot biletat në shitje.
Deri ditën e enjte biletat do të shiten te biletaria e stadiumit “Selman Stërmasi”, nga ora 10:00 deri në orën 19:00. Nga e premtja do të shiten edhe pranë stadiumit “Air Albania”.
Sa u takon çmimeve të biletave, për biletat pas porte tifozët duhet të paguajnë 400 lekë, ndërsa në tribunën përballë çmimi është dyfish, 800 lekë.
Sa i takon tribunës kryesore, biletat aty variojnë nga 3000 lekë, në 5000 lekë. Klubi bardheblu ka bërë sqarimet përkatëse në postimin e mëposhtëm.
