Kur luan Mançester Siti, vëmendja e të gjithëve thuajse gjithmonë është te Erling Haland. Por një tjetër lojtar pak nga pak po rrëmben skenën dhe sot ka vendosur një rekord të ri në Ligën e Kampioneve.
Argjentinasi Julian Alvarez, edhe pse shihej fillimisht si zëvendësuesi i Haland, tani po tregon se mund të luajë përkrah norvegjezit dhe të jetë protagonist po ashtu si ai. Në fakt, në ndeshjen e sotme ndaj Kopenhagës, ai ka qenë vendimtar për fatin e saj.
Ishte një asist i tij në minutën e 5-të që solli golin e Akanzhi për avantazhin e “qytetarëve”. Më pas, në minutën e 9, ai vetë tundin rrjetën kundërshtare duke dyfishuar shifrat. Kësisoj, Alvarez u bë futbollisti i parë në të gjithë historinë e Ligës së Kampioneve që regjistronte gol dhe asist në 10 minutat e para të një ndeshje me eliminim direkt siç ishte kjo e sotmja.
PANORAMASPORT.AL
