Arteta: Ishim vërtetë mirë, ata janë skuadra më e fortë në botë!

by admin
Spread the love
1a7253ebfd94147be1a9016b1f9dc492.jpeg

Pas barazimit pa gola ndaj Manchester City-t në “Etihad Stadium”, trajneri i Arsenal, Mikel Arteta u shpreh i lumtur që ia dolën ta ndalonin këtë skuadër të shënonte në shtëpinë e vetë, gjë që nuk ka ndodhur për rreth tre vite.

“Ndeshje shumë e vështirë kundër një kundërshtari shumë kërkues. Ne u mbrojtëm shumë mirë. Ne ishim vërtet të mirë… Hera e parë që ata nuk shënojnë në shtëpinë e tyre në tre vjet. E keqja është se ne kishim disa raste të mira për të shënuar dhe nuk i shfrytëzuam ato”-tha fillimisht ai.

Më tej, duke folur për mediet, tekniku i “The Gunners” shtoi se nëse nuk fiton dot, të paktën të mbash barazimin, ndërsa theksoi se City është skuadra më e mirë në botë, ndaj Arsenal duhet të përpiqet që t’ja kalojë.

“Gjithmonë dëshirojmë që t’i fitojmë ndeshjet dhe përgatitemi për to. Megjithatë nëse nuk i fitojmë dot, sigurohemi për barazimin. Ata janë skuadra më e mirë në botë për mendimin tim deri tani… dhe ne duhet të arrijmë dhe të përpiqemi të jemi më të mirë se ata”-tha ndër të tjera Arteta.

You may also like