Drejtuesit e Romës duket se kanë arritur që të bindin Nicolo Zaniolon për të rinovuar kontratën. Ylli i sulmit verdhekuq është shumë pranë një marrëveshje me klubin kryeqytetas për të vazhduar edhe më tej karrierën e tij.
Sipas asaj që raporton La Gazzetta dello Sport, 23-vjeçari është shumë pranë firmës në kontratën e re. Ai pritet të nënshkruajë një kontratë që do ta mbajë lidhur me Romën deri në qershor të vitit 2027.
Për sa i përket pagesës, Zaniolo do të përfitojë 4 milionë euro në sezon plus bonuse. Klauzola nga ana tjetër do të jetë rreth 50-60 milionë euro. Marrëveshja sipas prestigjiozes italiane do të mbyllet brenda disa ditësh. /oversport.tv
Foto: AS Roma, Twitter
