BUENOS AIRES, 11 dhjetor /ATSH-DPA/ – Presidenti i ri i Argjentinës, Javier Milei ka përgjysmuar numrin e ministrive qeveritarë, duke mbajtur një premtim të dhënë gjatë fushatës zgjedhore.
“Ky shkurtim ishte i nevojshëm për të racionalizuar veprimet e shtetit-komb dhe për t’i bërë ato më efikase”, tha një njoftim i qeverisë.
Milei nënshkroi dje dekretin pasi u betua si president në një ceremoni të Buenos Aires ku morën pjesë një mori liderësh botërorë.
Numri i ministrive do të zvogëlohet nga 18 në nëntë.
Gjithashtu, u krijua një Ministri e re e Kapitalit Njerëzor që kombinon ministritë e ashpra të zhvillimit social, shëndetësisë, punës dhe arsimit
Ish Ministria e Grave, Gjinisë dhe Diversitetit tani është në varësi të Ministrisë së Kapitalit Njerëzor.
Ministria e Drejtësisë dhe e të Drejtave të Njeriut tashmë do të quhet vetëm Ministria e Drejtësisë, një riemërtim që gazeta “Pagina 12” e quajti “një mesazh të qartë simboliko-politik që i qëndron besnik diskursit mohues për krimet e kryera nga diktatura.
E diela shënoi 40 vjetorin e kthimit të Argjentinës në demokraci pas diktaturës ushtarake.//a.i/