Trajneri i Real Madridit, Carlo Ancelotti ka këmbëngulur se ai nuk do të largohet nga klubi, me Brazilin që shpreson ta punësojë atë si trajner të Selecaos.
Javën e kaluar, presidenti i Konfederatës së Futbollit të Brazilit pranoi se do të dëshironte që Ancelotti të menaxhonte ekipin, ndërsa një pjesë e vogël e lojtarëve, duke përfshirë Rodrygo të Madridit, kërkuan gjithashtu që Ancelotti të merrte vendin e lirë.
Ancelotti i përshkroi lidhjet si emocionuse, por e bëri të qartë të dielën se nuk po nxiton të largohet.
“Ndihem i sigurt për shkak të lojtarëve që kam dhe mbështetjes që kam nga klubi. Tashmë e kam qartësuar të ardhmen time. Kontrata ime përfundon në 2024 dhe plani im është ta përmbush atë. Nëse Real Madridi është i lumtur, Ancelotti 2034”, u tha trajneri gazetarëve në një konferencë për shtyp pas ndeshjes.
Pasi udhëhoqi Madridin drejt një dysheje vendase dhe evropiane sezonin e kaluar, Ancelotti ka parë që forma e skuadrës së tij të bjerë ndjeshëm këtë vit. Los Blancos janë 12 pikë larg në La Liga me 10 ndeshje përpara dhe kanë një përplasje të ndërlikuar me Chelsean në çerekfinalen e Champions League në dy javë./Arbresh.info/
