Real Madridi shpreson që trajneri Carlo Ancelotti do të firmos në letër një zgjatje të re të kontratës përpara Krishtlindjeve.
Nuk është sekret që gjigantët e La Ligas do të dëshironin që trajneri katër herë fitues i Ligës së Kampionëve të zgjaste qëndrimin e tij në “Santiago Bernabeu”, por thuhet se ata po përballen me konkurrencën nga kombëtarja e Brazilit.
Në periudha të ndryshme të vitit 2023, Ednaldo Rodrigues, President i Kombëtares së Brazilit, ka këmbëngulur që Anelotti do të emërohej si ekipi i ri i Brazilit përpara edicionit të 2024 të Kupës së Amerikës.
Megjithatë, sipas raportimeve nga Calciomercato.com, Ancelotti ka vendosur që Real Madridi të jetë zgjedhja e tij e parë.
Calciomercato gjithashtu i referohet raporteve të fundit nga gazeta spanjolle Relevo, të cilët tregojnë se një rinovim me Los Blancos është afër.
Në fakt, sipas raportimeve të së hënës, Ancelotti është i prirur t’i thotë po Real Madridit në javët e ardhshme dhe se objektivi i klubit është që të ketë një kontratë të re të zyrtarizuar përpara periudhës së Krishtlindjes.
Besohet se Ancelotti do të zgjasë kontratën e tij për dy vjet, duke e lidhur atë me klubin deri në verën e vitit 2026.