BERLIN, 21 janar /ATSH-DPA/ – Me luftën në Ukrainë që po i afrohet përvjetorit të saj të parë, ekspertët ushtarakë janë fokusuar thellësisht se cilat tanke perëndimore mund ose duhet të dërgojnë për të ndihmuar Kievin të luftojë forcat ruse.
Pjesa më e madhe e fokusit ka qenë për tankun gjerman ”Leopard 2”, kryesisht sepse gjermanët kanë hezituar ta eksportojnë atë – edhe pse vendet e tjera të BE-së janë të prirura t’i dërgojnë ato.
Tanku ”Leopard”, së bashku me ”M1 Abrams” të SHBA-së dhe disa modele të tjera, konsiderohen tanke kryesore të betejës ose MBT.
Ata kanë disa ngjashmëri, por edhe disa dallime
”Leopard 2” dhe ”Abrams” kanë mbrojtje të ngjashme të armaturës, manovrim dhe fuqi zjarri, sipas Ralf Raths, drejtor i Muzeut Gjerman të Tankeve në Munster.
”Të dy janë jashtëzakonisht të balancuar mirë”, tha ai.
”Tanket u zhvilluan bashkërisht gjatë Luftës së Ftohtë”, theksoi Raths.
Dallimet e tyre janë në detaje
Ndërsa serbatori gjerman konsumon deri në 530 litra naftë për 100 kilometra dhe funksionon me një motor nafte 1 500 kuaj fuqi, ”M1 Abrams” fuqizohet nga një motor turbinë me gaz 1 500 kuaj fuqi.
Sipas Pentagonit, ai harxhon 700 litra për 100 kilometra.
Modeli aktual ”A7V Leopard 2”, që peshon rreth 64 tonë, është më i lehtë se ”Abrams”, i cili, në varësi të modelit, mund të peshojë deri në 74 tonë.
Të dy janë të armatosur me armë 120 milimetrash.
Me shpejtësi deri në 68 kilometra në orë, ”Abrams” është pak më i shpejtë se ritmi më i lartë i ”Leopard 2” prej 63 kilometrash në orë.
Bundeswehr e quan ”Leopard 2” një “grabitqar në pista”.
Tanku mund të godasë objektivat deri në pesë kilometra larg.
Përveç disa specifikimeve, një tjetër ndryshim kryesor është furnizimi.
Në total, Gjermania ka më shumë se 300 tanke ”Leopard 2”: 225 të serisë A5/A6 dhe 59 të serisë A7/A7V.
Në ruajtje janë 55 ”Leopard 2 A4”, sipas raportit vjetor “Military Balance 2022” të Institutit Ndërkombëtar për Studime Strategjike.
Bundeswehr-i do të marrë gjithsej 104 ”Leopard 2 A7V” gjatë tre viteve të ardhshme.
Tanket më të vjetra do të hiqen nga shërbimi ose do t’u dorëzohen vendeve të tjera. Këto përfshijnë modele të tipit A4 ose gjithashtu gjeneratën paraardhëse ”Leopard 1”.
Sipas Military Balance, një raport i publikuar nga Instituti Ndërkombëtar për Studime Strategjike, SHBA zotëron më shumë se 6 000 tanke ”Abrams”, përfshirë 650 të tipit M1A1 dhe pothuajse 2000 M1A2 në versione të ndryshme, plus 3 450 njësi të tjera të të dy modeleve në ruajtje./ a.jor.
The post ANALIZË – ”Leopard 2” & ”M1 Abrams” të ngjashëm, por jo të njëjtë appeared first on Agjencia Telegrafike Shqiptare.
