AMSTERDAM, 8 mars /ATSH-DPA/- Xhamitë holandeze kanë protestuar kundër pranisë së presidentit izraelit Isaac Herzog në hapjen e Muzeut Kombëtar të Holokaustit, në Amsterdam.
“Vizita është e padëshiruar për shkak të rolit të tij në sulmet izraelite në Rripin e Gazës”, tha sot në Amsterdam organizata ombrellë e xhamive.
Mbretit Willem-Alexander iu kërkua të mos e priste Herzog dhe protesta kundër vizitës së presidentit izraelit do të zhvillohet të dielën.
Mbreti do të hapë Muzeun e Holokaustit në kryeqytet të dielën.
Në ceremoni do të marrin pjesë edhe presidenti austriak Alexander van der Bellen dhe kryetarja e Këshillit Federal Gjerman, Manuela Schwesig.
Gjermania ka kontribuar rreth 4 milionë euro (4,4 milionë dollarë) në kostot e muzeut.
“Mbreti do të marrë pjesë në hapjen siç ishte planifikuar”, tha një zëdhënës i qeverisë, duke shtuar se muzeu i ri ka një rëndësi të madhe për Holandën.
Kryeministri Mark Rutte ka planifikuar të takohet me Herzogun të dielën për të diskutuar situatën humanitare në Rripin e Gazës.
Shoqata e xhamive e quajti Herzogun “shumë të diskutueshëm” dhe iu referua deklaratave të bëra nga presidenti në lidhje me luftën e Gazës.//a.i/
