Me një orë vonesë Kuvendi filloi punimet pas vazhdimit pas seancës së 71-të. Me nënshkrimet e 20 deputetëve, për nënkryetar të ri të Kuvendit është propozuar Hysni Imaili nga Alternativa, përcjell TV21. Pas dhënies së propozimit fjalën e morën 19 deputetë. Koordinatori i grupit parlamentar të VMRO-DPMNE-së, Nikolla Micevski, ndër të tjera tha se shpreson se Ismaili do ta respektojë Rregulloren e Kuvendit, ligjet dhe Kushtetutën.
Në rend dite të kësaj seance janë raportet vjetore të Avokatit të Popullit, si dhe raportet vjetore për punën e Këshillit Gjyqësor, Komisionit për Parandalim të Korrupsionit dhe Komisionit për Ankesa për Prokurimet Publike për vitin 2021. Po ashtu, do të debatohet edhe për Projektligjin për ndryshimin dhe plotësimin e Ligjit për marrëdhëniet e punës, si dhe për Projektligjin për ndryshimin dhe plotësimin e Ligjit për sigurimin pensional dhe invalidor, me procedurë të shkurtuar./tv21.tv
