Qendërmbrojtësi David Alaba e cilëson Real Madridin si skuadra më e madhe në botë.
Austriaku iu bashkua gjigantit madrilen gjatë verës nga Bayern Munich si agjent i lirë, pas plotë një dekade në “Allianz Arena”.
I pyetur se nëse ishte i befasuar për kalimin te Reali, Alaba tha se “Los Blancos” është klubi më i madh në botë, andaj nuk e sheh si befasi.
“Kur rritësh duke luajtur futboll, ti e di se Real Madrid është klubi më i madh në botë, pra nuk isha i befasuar kur erdha këtu. Nëse luan e sheh gjithmonë Real Madridin në faqen kryesore”, tha shkurtimisht ai.
Ndërkohë, Alaba dhe Militao janë duke pasur një bashkëpunim të mahnitshëm si në La Liga, ashtu edhe në Ligën e Kampionëve.
