Një aksident trafiku ka ndodhur në magjistralen Pejë-Prishtinë, mes një veture dhe një autobusi,si pasojë një person ka pësuar lëndime serioze.
Rastin për Klankosova.tv e ka konfirmuar zëdhënësi i policisë për rajonin e Pejës, Fadil Gashi.
Gashi theksoi se personi i lënduar është dërguar në emergjencën e spitalit rajonal.
“Rreth orës 12:55 policia është njoftuar për një aksident në magjistralen Pejë-Prishtinë, konkretisht në fshatin Gllaviqicë. Aksidenti ka ndodhur mes një autobusi dhe një veture. Një person është lënduar dhe ka pësuar lëndime serioze, është dërguar në emergjencën e Spitalit Rajonal”, ka thënë Gashi për Klankosova.tv.