ISLAMABAD, 8 tetor /ATSH-DPA/ – Rreth 2 000 persona kanë vdekur pasi disa tërmete të forta tronditën dje Afganistanin Perëndimor, tha një zëdhënës i qeverisë talebane, ndërsa ekipet e shpëtimit kërkuan nëpër rrënoja për të mbijetuar.
“Numri i të plagosurve është shumë i lartë”, tha Abdul Wahid Rayan, një zyrtar në Ministrinë e Informacionit dhe Kulturës.
Agjencia e urgjencës e OKB-së, OCHA, kishte llogaritur dje numrin e të vdekurve në më shumë se 100 duke thënë se pritej që shifra të rritet pasi dhjetëra njerëz ishin të bllokuar nën ndërtesat e shembura.
”Disa fshatra në provincën kufitare të Heratit të goditur rëndë janë shkatërruar plotësisht”, thanë autoritetet.
Sipas OBSH-së, rreth 4 200 banorë u prekën dhe të paktën 600 shtëpi u shkatërruan.
”Vetëm spitali më i madh në kryeqytetin provincial të Heratit kishte marrë rreth 200 të vdekur dhe rreth 700 të plagosur”, sipas burimeve mjekësore.
Gazetari afgan Bilal Sarwary shpërndau video të punës së shpëtimit mes shtëpive të shkatërruara plotësisht në platformën X.
“Bukuria e qetë e Heratit është shkatërruar nga një tërmet i pamëshirshëm që ka bërë fshatra të tëra në gërmadha”, shkroi Sarwary.
Të paktën tetë tërmete tronditën rajonin kufitar pranë Iranit brenda një periudhe të shkurtër kohore mëngjesin e së shtunës.
Shërbimi Gjeologjik i SHBA (USGS), i cili monitoron aktivitetin sizmik, e vendosi magnitudën në vlerat midis 4,6 dhe 6,3 Rihter./ a.jor.
The post AFGANISTAN – 2 000 viktima pas tërmeteve të fuqishme appeared first on Agjencia Telegrafike Shqiptare.
