Në Universitetin e Tetovës më 28 gusht do të fillojë afati i parë i regjistrimit të studentëve për itin e ri akademik, përcjell KlanM. Drejtuesit e UT-së njoftojnë se janë të gatshëm për pritjen e studentëve të rinj në të gjitha fakultetet dhe drejtimet e këtij universiteti.
“Nga 28 gushti e deri më 1 shtator 2023 do të zhvillohet afati i parë i regjistrimit të studentëve të rinj për vitin akademik 2023/24. Edhe këtë vit akademik, Universiteti ynë i ka bërë të gjitha përgatitjet për të mirëpritur kandidatët, të cilët dëshirojnë që studimet e tyre t’i ndjekin në Universitetin tonë. Të gjitha shërbimet e administratës do të jenë të angazhuara, gjatë afatit të regjistrimit që do të përkujdesen për mbarëvajtjen dhe lehtësimin e procedurave administrative për kandidatët që do të aplikojnë në programe të ndryshme studimore. Për vitin akademik 2023/24, Universiteti i Tetovës do të regjistrojë studentë të rinj në 13 njësitë akademike që i posedon”, thuhet në njoftimin e UT-së.
Nga Zyra për arsim e Universitetit të Tetovës, siç përcjell KlanM, njoftojnë se vërehet interesim i madh i kandidatëve për t’u regjistruar në UT edhe nga aplikimet online.
