Adele është gati të zbulojë për fansat më shumë rreth jetës së saj. Këngëtarja po planifikon të realizojë një dokumentar që tregon gjithçka për karrierën, dashurinë dhe për shfaqjet e anuluara në Las Vegas. Adele është mjaft misterioze si person dhe se ky projekt do të eksplorojë karrierën e saj dhe udhëtimin drejt famës globale. Kujtojmë se pas anulimit në minutën e fundit të koncerteve të saj në Las Vegas, ylli i popit u rikthye në skenë këtë muaj, me dy shfaqje në Hyde Park të Londrës. Sipas burimeve, artistja mendon se i ka zhgënjyer shumë fansat e saj dhe tani pritet të merret me realizimin e këtij dokumentari që do të zbulojë më shumë.
