“Abissnet Superiore” do të luajë dy sfida të tjera të javës së katërt këtë të shtunë. Të dyja sfidat do të startojnë në orën 15:00 dhe do të keni mundësi t’i ndiqni live dhe ekskluzivisht në Oversport dhe përmes platformës TIBO.
Sfidat e ditës së sotme janë Egnatia-Vllaznia dhe Kastrioti-Tirana. Ekipi i Orges Shehit kërkon të hedhë pas krahëve humbjen ndaj Vllaznisë në ndeshjen e fundit dhe një fitore ndaj Kastriotit do të ngrinte moralin e ekipit. Nga ana tjetër Kastrioti vjen nga një moment i mirë pasi ka mposhtur Kukësin në sfidën e fundit.
Nga një moment i mirë vijnë edhe dy ekipet e sfidës tjetër Egnatia dhe Vllaznia. Vendasit kanë arritur javën e kaluar fitoren e parë përballë Laçit dhe kërkojnë të tregojnë se mund të kenë vazhdimësi. Nga ana tjetër Vllaznia e vendit të dytë dëshiron të tregojë se fitorja ndaj Tiranës nuk ishte thjesht një rastësi dhe do ta konfirmojë edhe sot ndaj Egnatias. /oversport.tv