Kryeministri i Shqipërisë, Edi Rama, ka dalë në aeroportin e Rinasit për ta pritur presidenten e Komisionit Evropian, Ursula von der Leyen, njofton Klankosova.tv.
Teksa ka publikuar një fotografi në Facebook, shefi i qeverisë shqiptare, ka shkruar “Ursula po vjen apo jo?”.
“Në Rinas, për të pritur Presidenten e Komisionit Europian, Ursula von der Leyen”, ka shtuar tutje Rama.
Ndërkohë, Von der Leyen në pjesën e parë të ditës qëndroi në Prishtinë ku është pritur nga presidentja e vendit, Vjosa Osmani, me të cilën ka mbajtur edhe konferencë për media.
Ajo poashtu është takuar edhe me kryeministrin Albin Kurti.
Në të dyja takimet, Von der Leyen tha se Kosova I ka përmbushur të gjitha kriteret për liberalizim të vizave, dhe ritheksoi mbështetjen për Kosovën në këtë aspekt.
