Sipas “The Athletic”, Pep Guardiola ka arritur marrëveshjen me drejtuesit e klubit që të zgjasë me dy vite kontratën që e lidh me Manchester City.
Rinovimi fillimisht do të jetë 1-vjeçar dhe të dy palët, si klubi edhe trajneri, do të kenë një opsion për të zgjatur bashkëpunimin edhe me një vit tjetër.
Guardiola u bë trajner i City në vitin 2016 dhe që nga ajo kohë ka fituar në krye të skuadrës 4 tituj kampionë në Premier League, një Kupë FA dhe 4 Kupa Lige.
Kontrata e spanjollit skadon në fund të sezonit aktual, por sipas të përditshmes britanike është arritur marrëveshja për rinovimin e kontratës deri në vitin 2024, me një opsion zgjatjeje deri në vitin 2025. / Oversport.tv
Foto: Manchester City Twitter