Pas raportimit të Klankosova.tv, se disa lopë shiheshin duke kullotur në qendër të Pejës, ka reaguar Inspekcioni, ku kanë dalë në terren dhe kanë larguar përkohësisht lopët nga aty.
Drejtoresha e Inspekcionit, Edonjeta Berisha, ka thënë se kanë dalë në terren ku janë marrë nga afër me rastin, ku kanë fotografuar lopët dhe numrat e tyre, dëshmi të cilat i kanë dërguar në polici, dhe i kanë larguar përkohësisht nga aty.
Sipas Berishës, përgjegjëse për këtë punë është Agjencia e Ushqimit dhe veterinarisë, me të cilën do të mbajnë një mbledhje për këtë çështje.
“Janë fotografuar lopët, janë marrë numrat e tyre. E kemi hapur rastin ne polici. Por për këtë duhet me u përgjigj AUV-i. Ne u munduam t’i lirojmë hapësirat. kemi tash me e mbajte një mbledhje te hënën me AUK, për me ndërmarrë diçka”, ka thënë Berisha për Klankosova.tv
