Në Indi një operacion i madh shpëtimi është drejt përfundimit thonë autoriteti, pas bllokimit të 41 punonjësve brenda një tuneli ku po punonin.
Ekipet e shpëtimit gërmuan me sukses drejt 41 burrave të bllokuar brenda një tuneli të shembur në vargmalet Himalaje, ndërsa një përpjekje një-javore evakuimi e mbushur me pasiguri po hyn në fazën e fundit të saj.
Burrat kanë mbetur të bllokuar që nga 12 nëntori, kur pjesa e tunelit që ata po ndihmonin për të ndërtuar në shtetin verior të Indisë, Uttarakhand, u shemb, duke bllokuar daljen e tyre të vetme me më shumë se 60 metra gurë të thyer, beton dhe metal të përdredhur.
Hapja e një tuneli për kalimi ne sigurt të punonjësve ishte një përpjekje me shumë pengesa. Në një pikë përpjekjet e shpëtimit u ndaluan kur makineria e rëndë e përdorur për të depërtuar mbetjet u prish, duke i detyruar punëtorët të gërmojnë pjesërisht me dorë dhe të përshtaten me metoda të tjera më të rrezikshme për t’i sjellë në siguri.
“Kalimi i nxjerrjes është përgatitur deri në 52 metra brenda tunelit, dhe operacioni i shpëtimit pritet të përfundojë këtë të martë”, u shpreh kryeministri i shtetit të Uttarakhand, Pushkar Singh Dhami, për gazetarët në vend, pa dhënë një afat specifik kohor.
Punëtorët, të gjithë emigrantë nga disa prej shteteve më të varfra të Indisë, kanë marrë ushqim, ujë dhe oksigjen përmes një tubi 53 metra që është futur nëpër rrëshqitjen e dherave dhe autoritetet thonë se ata mbeten në gjendje të mirë shëndetësore.
Top Channel
