Eshtë e habitshme se sa shumë gjëra akumulojmë në jetën e përditshme. Pavarësisht nëse bëhet aksidentalisht, apo për të kënaqur disa dëshira tuajat të fshehura, nuk është e shëndetshme të keni gjëra me tepri. Nëse filloni të kërkoni që sendet t’ju bëjnë të ndiheni mirë, me vetëbesim apo të lumtur, atëherë jeni duke humbur burimet e brendshme të lumturisë dhe aftësive. Sidomos nëse vendimi për të hequr dorë nga të mirat materiale është i vështirë për ju, kjo është një shenjë që tregon se jeni ngjitur fort pas tyre. Bëjini vetes një nder dhe lërini të ikin… Ja disa këshilla.
- Merrni kohë, por vendimet merrini shpejt bazuar në fakte
Projektin që ndiqni bëjeni hap pas hapi. Nëse e gjeni veten duke u menduar për më shumë se tre minuta, nëse duhet ta vazhdoni apo ta hiqni qafe, bëjini vetes këto pyetje: A është i “ëshur”? Nëse po, sa kohë ka dhe a mundeni ju ta ndreqni? Nuk ka kuptim të mbajmë gjëra të ëshura, por ne e bëjmë këtë gjithë kohës. Mos kini frikë të hiqni dorë nga zotërimet tuaja, nëse ato nuk kanë një qëllim apo nuk keni kujtime të fortë të lidhur me to. Nëse hiqni dorë, kjo do ju ndihmojë të rriteni dhe zhvilloheni.
2. Krijoni një kuti me etiketën “Ndoshta”, një Kosh mbeturinash dhe një Cantë dhurimesh
Për të mbetur të organizuar dhe sa më eficientë merrni tre kuti apo qese ku të vendosni etiketat “ndoshta”, “mbeturina” dhe “dhurime. Në të parën duhet të vendosni gjëra që nuk jeni të sigurtë nëse doni t’i mbani apo jo. E dyta është e qartë, do të mbushet me gjëra që nuk i doni më dhe që askush nuk do i donte. E treta duhet të mbushet me gjëra që do i jepni si dhurime. Fakti që ju nuk keni nevojë për dicka, nuk do të thotë që të tjerët nuk do të përfitonin nëse do e kishin.
3. Ndajeni ngarkesën e punës
Nuk është e thënë të kaloni gjithë fundjavën duke punuar dhe pastruar gjithcka. Ndajeni punën n disa orë në ditë nëse doni. Pushoni cdo tridhjetë minuta. Eshtë e rëndësishme të bëni pushime për të mbetur të fokusuar dhe shmangur mbilodhjen. Kjo detyrë është që t’ju ndihmojë, jo që të shndërrohet nënjë eksperiencë të tmerrshme lodhëse.
Gjithashtu mund ta ngadalësoni. Hartëzoni hapësirën ku doni të ndryshoni dhe punoni cdo ditë me një pjesë të saj. Bëni një rast, pastaj rrini e pushoni. Ditën tjetër bëni dicka tjetër e kështu me radhë. Nëse ecni më ngadalë do të jeni të vazhdueshëm, të fokusuar dhe do të bëni më shumë punë.
4. Krijoni një sistem
Pasi keni përfunduar së pastruari mbeturinat dhe gjërat e panevojshme, do t’ju mbetet shumë hapësirë e re. Krijoni një metodë të re për të qenë të organizuar. Sigurohuni që në qoshe nuk akumulohen pirgje të reja të panevojshme. Mendoni se si akumuluat fillimisht edhe sende që janë të pavlera, dhe ndryshoni stilin e jetsës, që kjo të mos ndodhë më. /Shqip
