Lajmi se Kalidou Koulibaly mund të largohet nga Napoli, pasi i është ofruar rinovimi me gjysmën e pagës që përfiton tani, ka tërbuar klubin e Serie A.
Napoli e konsideron lajmin një gënjeshtër, që mund të shkaktojë pasoja në tratativat për të rinovuar me qendërmbrojtësin senegalez.
“Napoli nuk e kupton se si një botues i vëmendshëm si Amodei mund të lejojë Fabio Mandarinin të shkruajë në ‘Corriere dello Sport’ se SSC Napoli i ka ofruar Koulibaly gjysmën e asaj që fiton, ose 3 milionë euro.
Këto janë gënjeshtra që mund të destabilizojnë ambientin dhe të krijojnë negativitet të papërshtatshëm në një negociatë për zgjatjen e kontratës”, shkruan Napoli në reagimin e tij. / oversport.tv