Po vazhdon solidarizimi me banorët e prekur nga tërmeti i së martës në Shqipëri, ku mbetën te vdekur 52 persona, derisa afër 1000 të tjerë u lënduan. Shumë shqiptarë anembanë botës, por dhe shtete fqinje kanë ndarë shuma të mëdha parash për ata qytetarë që u dëmtuan dhe mbeten pa kulm mbi kokë. Një ndihmë të madhe me thirrjet e tij ka dhënë edhe humanisti, Elvis Naçi, përcjellë Indeksonline. Ai mbrëmë në një emision live, së bashku me Sidrit Bejlerin dhe Gold Ag, priten telefonata nga bashkatdhetarë të cilët si gjithmonë hapën zemrën për popullin e tyre. Ndërsa, emocionuese ishte pikërisht telefonata e fundit, kur një mërgimtar tha se ka vendosur të ndërtojë 4 pallate, të cilat prekin shifrën e mbi 1.5 milionë euro, para të mbledhura këto nga shqiptarët e Kelnit në Gjermani. Elvis Naçi duke falënderuar atë, tha se “Një gëzim i paparë po mbretëron në studio, teksa njerëzit e pranishëm kanë nisur të qajnë nga gëzimi dhe vepra e mërgimtarit”.
Ad Blocker Detected
Our website is made possible by displaying online advertisements to our visitors. Please consider supporting us by disabling your ad blocker.