Qeveria e Kosovës sot e ka shpallur zyrtarisht 14 Prillin si Dita e të Mbijetuarve të Dhunës Seksuale gjatë Luftës së Fundit në Kosovë.
Kjo u bë me kërkesën që e dorëzoi presidentja Vjosa Osmani në qeveri.
Lidhur me këtë Qendra Kosovare për Rehabilitimin e të Mbijetuarve të Torturës, bashkë me Zyren e Presidentes të Republikës së Kosovës dhe organizatat anëtare të Platformës “Bëhu Zëri Im” , nesër do të organizojnë një marsh në mbështetje të të mbijetuarve të dhunës seksuale gjatë luftës në Kosovë.
Marshi do të fillojë në orën 12:00 nga sheshi “Ibrahim Rugova”, për të vazhduar deri tek Monumenti Heroinat, ku do të prezantohet instalacioni “14 Prilli.”/Klankosova.tv
