Të bllokuar mbeten shumë ligje
Që nga fillimi I vitit, në Kuvend janë mbajtur vetëm disa debate në komisionet parlamentare dhe një seancë 15 minutëshe plenare. Deri në fund të muajit, sic njofton KlanM, në agjendën e Kuvendit parashihet edhe një seancë plenare dhe seanca për Pyetje të Deputetëve që zakonisht mbahet të enjten e fundit të muajit.
Vitin e kaluar, Kuvendi funksiononte me bllokadë të pjesërishme nga opozita. Sic njoftton KlanM, mbetet I bllokuar zgjedhja e gjykatësve kushtetues dhe për këtë shkak nga tre sa ishin planifikuar, u zgjodhën dy gjykatës.
Edhe pas 17 muajve nga përgatitja e ndryshimeve ligjore, me të cilët sulmi ndaj gazetarëve duhet të vlerësohet si sulm ndaj personit zyrtar gjithashtu mbetet i bllokuar në Kuvend, kurse deputetët nuk kanë dhënë sqarime përse nuk I votojnë edhe pse e mbështetën publikisht.
I bllokuar mbetet edhe Ligji për Reforma tatimore si pjesë e ligjeve që parashihen me “Ballkanin e Hapur”.
Para dy muajve, sic percjell KlanM, Banka Evropiane për Ripërtrirje dhe Zhvillim I ka tërhequr 100 milion eurot që në formë interesi duhej t`i merte Qeveria e RMV-së për t`u përballur me krizën energjetike. Sipas Ministrit për Pushtet Lokal, Risto Penov, veprimi I këtillë I BERZH-it është pritja e stërzgjatur për miratimin e ligjit për marrjen e kredisë.
Statistika e Kuvendit tregon se deputetët gjatë vitit të kaluar kanë punuar vetëm 88 ditë, ku kanë mbajtur 39 seanca të reja dhe 50 vazhdime të seancave nga viti paraprak. /KlanMacedonia
