Mesfushori nga Holanda, Mohamed Ihattaren është raportuar i zhdukur.
Anëtari i Sampdorias ishte kthyer në Holandë për ndeshjet e kombëtares në muajin tetor.
Por, prej 12 tetorit, ai nuk është parë më.
19-vjeçari u kthye në Holandë javën e kaluar për arsye private dhe që atëherë është zhdukur nga radarët.
Klubi italian ka tentuar të telefonojë me të, por që ka qenë e pamundur. Thuhet se ai nuk dëshiron të rikthehet në Itali.
Edhe mediat “tulipane” janë hedhur në kërkim të tij.
Ihattaren u ble verën e kaluar nga Juventusi, i cili pagoi 1.9 milionë euro për PSV dhe ia huazoi talentin Sampdorias.