Ky sezon nuk po shkon mirë për Marcos Alonson. Anësori i majtë spanjoll, i cili ka nisur sezonin e dytë në “Camp Nou”, deri tani numëron vetëm 299 minuta aktivizim.
Shtypi iberik shkruan se 32-vjeçari ka përfunduar jashtë projektit të teknikut Xavi, por nuk dëshiron të ndërrojë ambient gjatë merkatos dimërore.
Një nga klubet e interesuara për shërbimet e tij është Atletico Madrid. Me Diego Simeonen që e pret në fundin e sezonit për t’i dhuruar një fanellë titullari në korsinë e majtë.
Por nuk përjashtohet edhe largimi nga La Liga. Alonso, i cili është rritur te Reali i Madridit, ka luajtur më parë në Serie A me Fiorentinën.
Por edhe në Angli me klube si Chelsea, Sunderland dhe Bolton. Fanellën e kombëtares spanjolle e ka veshur 9 herë deri tani./ Super Sport
Top Channel
