Vrasja e dy suedezëve në Belgjikë, tronditi Europën, e pohuar kjo dhe nga vetë presidenti francez Emmanuel Macron gjatë vizitës në Shqipëri
Një ditë përpara epoisodit të dhunshëm në Bruksel, një mësues u ekzekutua në Francë. Në të dy rastet, akti ekstrem është shoqëruar me thirrjet”Allaku Ekber”, duke dëshmuar qartë se frika e një rishfaqjeje të krimeve të urrejtjes mes konfliktit të rindezur izraeliteo-palestinez, po bëhet realitet.
Brukseli po e trajton sulmin si akt terrorist e ka ngritur gjendjen e gatishmërisë, edhe pse agresori, një ekstremist i dyshuar tunizian është qëlluar e vrarë sot nga policia. Lufta në Lindjen e Mesme po ndikon edhe në situatën e sigurisë në Gjermani, e pohuar kjo nga Kreu i Bordit të Kontrollit të Shërbimit Sekret, Konstantin von Notz.
“Gjendja edhe kështu ishte “mjaft e tensionuar” ndër të tjera për shkak të agresionit të Rusisë kundër Ukrainës, por “është përkeqësuar ndjeshëm tani pas ngjarjeve të fundit në Lindjen e Mesme”, tha ai. Ambasadori i Izraelit në Gjermani, Ron Prosor, paralajmëroi se “asnjë lloj Gaze nuk duhet të lejohet të shfaqet në tokën gjermane”.
Një rrezik i tillë kërcënon, nëse shoqatat si rrjeti palestinez Samidoun dhe mbështetësit e tjerë të Hamasit vazhdojnë të abuzojnë me demokracinë gjermane, tha ai në një program të përbashkët mëngjesi të shërbimeve televizive publike gjermane ARD dhe ZDF. Anëtarët e shoqatës palestineze Samidoun dhe simpatizantët e tyre festuan sulmet e Hamasit ndaj Izraelit në rrugët e Berlinit dhe qyteteve të tjera gjermane.
“Gjermania nuk duhet të lejojë më që yjet e Davidit të shënohen në shtëpitë hebreje në Berlin, prandaj shumë hebrenj nuk guxojnë më të dalin në rrugë”, tha ai. Lidhur me situatën aktuale në Izrael, Prosor shtoi se është e qartë “që popullsia palestineze në Rripin e Gazës duhet të çlirohet nga Hamasi”. Pavarësisht përpjekjeve të tij më të mira, Izraeli sipas tij, nuk mund të garantojë mbrojtjen e popullatës së pafajshme civile, për sa kohë që Hamasi i përdor këta njerëz si mburoja.
Top Channel
