VJENË, 27 shkurt /ATSH-DPA /-Austria ka mbështetur propozimin e BE-së për të mbyllur hapësirat ajrore të bllokut prej 27 anëtarësh për avionët rusë.
“Ne kemi marrë tashmë të gjitha masat e nevojshme. Austria do të mbyllë menjëherë hapësirën e saj ajrore për të gjithë avionët rusë pas vendimit”, shkroi ministrja e Transportit Leonore Gewessler në Twitter.
“Masa të tilla do të ishin më efektive nëse Bashkimi Evropian do të vepronte në mënyrë të bashkuar”, shtoi ajo, duke bërë thirrje për ndërmarrjen e një veprimi sa më të shpejtë.
Të dielën, Gjermania, Islanda, Danimarka dhe Irlanda ishin vendet e fundit që mbyllën hapësirën e tyre ajrore për të gjithë avionët rusë në përgjigje të pushtimit të Ukrainës nga Moska.
Suedia po përgatitet për të ndjekur të njejtin shembull, raportoi SR, duke cituar ministrin e BE-së në vend Hans Dahlgren, i cili gjithashtu thuhet se mbështet propozimin e BE-së.//a.i/
