Dejan Stankovic është trajneri i ri i Sampdorias. Klubi italian ka zyrtarizuar teknikun e ri, që do të zërë vendin e lënë bosh nga Marco Giampaolo, që u shkarkua të dielën e kaluar pas humbjes 3-0 në shtëpi përballë Monzas.
“Sampdoria njofton se Dejan Stankovic do të jetë trajneri i ekipit të parë deri në 30 qershor të vitit 2023 me një opsion rinovimi deri në 30 qershor të vitit 2024. Presidenti Marco Lanna, Këshilli Administrativ dhe gjithë klubi i uron punë të mbarë dhe fat teknikut dhe stafit të tij”, shkruhet në njoftimin e klubit.
Ish-lojtari i Interit dhe Lazios rikthehet të drejtojë një skuadër pas aventurës me Crvena Zvezdën dhe do të nisë stërvitjen me Sampdorian sot pasdite. / Oversport.tv
Foto: U.C. Sampdoria Facebook
📄 | OFFICIAL#Stankovic è l’allenatore della #Sampdoria.#FORZADORIA 🔵⚪🔴⚫⚪🔵
— U.C. Sampdoria (@sampdoria) October 6, 2022