Deputetja e Parlamentit Evropian dhe Raportuesja e Përhershme për Kosovën, Viola von Cramon, është shprehur skeptike për anëtarësim të Kosovës në Bashkimin Evropian dhe NATO me procedura të përshpejtuara, pas agresionit rus në Ukrainë, raporton Ekonomia Online.
Në një konferencë për medie në ditën e fundit të qëndrimit në Kosovë, ajo ka thënë se pezullimi i Rusisë në Këshillin e Evropës është mundësi e mirë për anëtarësim të Kosovës në këtë organizatë multilaterale.
“Po është mundësi e mirë për të dëshmuar se Kosova i ka përmbushur gjitha kushtet për t’u bërë anëtarë e Këshillit të Evropës, meqenëse edhe Rusia është e pezulluar në këtë organizatë. Nuk shoh asnjë procedurë të përshpejtuar sa i përket anëtarësimit. Duhet kaluar në proces bukur të vështirë të reformave”, tha ajo.
