Në rrugën “C” në Prishtinë, mbrëmjen e djeshme me kallashnikov është ekzekutuar një person. Makina në të cilën ka qenë viktima ishte me targa të Maqedonisë së Veriut, ndërsa më pas, mediat raportuan se personi i vrarë është po ashtu Maqedonia e Veriut. Këtë informacion e kanë konfirmuar edhe nga policia e Kosovës, të cilët, kanë njoftuar se rreth një kilometër nga vrasja e kanë gjetur një makinë të djegur, e që lidhet vrasjen në fjalë.
Policia e Kosovës
“Njësitë relevante policore kanë dalë në vendin e ngjarjes, ku kanë vërejtur se në një veturë me targa të Republikës së Maqedonisë Veriore, është një person, nga mjeku përgjegjës është konstatuar se peroni i cili ishte në veturë është pa shenja jete. Rreth një kilometër nga vendi i ngjarjes është hasur një veturë e djegur me targa të Gjermanisë, me të cilën dyshohet se të dyshuarit kanë ikur nga vendi i ngjarjes”
Se bëhet fjalë për shtetas të Maqedonisë së Veriut, këtë e ka konfirmuar edhe ministri i Punëve të Jashtme, Bujar Osmani, i cili megjithatë nuk tha ndonjë detaj tjetër.
Bujar Osmani, ministër i Punëve të Jashtme
“Institucionet tona kanë komunikuar me autoritetet e Kosovës dhe kanë konfirmuar informacionin e publikuar në opinion për shtetasin tonë të qëlluar në Kosovë, por sigurisht që institucionet tjera do të japin më shumë detaje. Ne si MPJ bëmë kontaktin e parë dhe e konfirmuam lajmin”,
Mediat kosovare duke u thirrur në burimet e tyre kanë shkruar se personi i vrarë është Blerim Daci. Sipas tyre, ai ka qenë i dyshuar për vrasjen e dyfishtë më 6 mars të këtij viti përballë Kalasë së Shkupit, respektivisht vrasjes në “Shisha Bar”, ku u likuiduan Enes Iseni dhe Jeton Krivanjeva.
Enis Murtezi /SHENJA/
MARKETING
